करोडौँ लैजान्छ संघ सरकार, लाख कमाउन सङ्घर्ष गर्छन् पालिका

पोखरा । मनास्लुको व्यापक प्रचार र संरक्षण गरेको मनास्लु संरक्षण क्षेत्र आयोजना (एमक्याप) गोरखाको चुमनुब्री गाउँपालिकामा पर्छ । संरक्षण क्षेत्रभित्र भएका कारण पालिकाले प्राकृतिक स्रोतबाट कुनै आम्दानी गर्न पाएको थिएन ।

पालिकाले २ वर्ष अघिदेखि आफ्नो पालिका भ्रमण गर्ने विदेशी पर्यटकबाट प्रवेश शुल्क लिने निर्णय गर्‍यो । बर्सेनि मुस्किलले ११ लाख कमाइरहेको चुमनुब्रीले पर्यटक शुल्क लिन थालेपछि पहिलो वर्ष २०८१/०८२ मै १ करोड १७ लाख आम्दानी गर्‍यो । आर्थिक वर्ष २०८२/०८३ मा त्यो रकम बढेर १ करोड ४९ लाख पुगेको छ ।