शरीरमा आयोडिनको कमी हुँदा कस्ता समस्या देखिन्छन्?

नुन र आयोडिन शरीरका लागि आवश्यक तत्त्व हुन्। तर यसको मात्राको विषयमा पछिल्लो समय विभिन्न प्रश्न उठ्ने गरेका छन्। समुद्रबाट प्राप्त हुने प्राकृतिक खाद्य पदार्थ (जस्तै: सेलफिस, कर्डफिस आदि) तथा समुद्री वनस्पतिमा आयोडिन पाइन्छ।

नेपाल भूपरिवेष्ठित देश भएकाले आयोडिन प्राप्त गर्न नुनकै सेवन गर्नुपर्ने पोषणविद् केपी लम्साल बताउँछन्। नेपालीहरूले हाल दैनिक औसत ९ ग्राम नुन सेवन गरिरहेको भए पनि हाम्रो शरीरलाई भने दैनिक ५ ग्रामभन्दा कम नुन भए पुग्ने उनको भनाइ छ।