गोविन्द केसीको अनशन : १२ घण्टाको वार्ता असफल, आज निर्णयक वार्ता हुँदै

धनगढी : प्राध्यापक डाक्टर गोविन्द केसी र सरकारी वार्ता टोलीबीच आज निर्णायक वार्ता हुने भएको छ । प्राध्यापक डा. गोविन्द केसीको अनशन अन्त्य गराउने उद्देश्यले सरकार र केसी पक्षबीच आइतबार राती अबेरसम्म धनगढीमा अन्तिम सहमतिको प्रयास भएको थियो । तर डाक्टर केसीले सहिद दशरथभन्दा स्वास्थ्य विज्ञान विश्वविद्यालयका उपकुलपति र रजिस्टार दुबै जनालाई नहटाउँदासम्म अनशन नतोड्ने बताएपछि आइतबार वार्ता निष्कर्षबिहीन भएको हो।

‘आज १० बजेदेखि छलफल सुरु हुनेछ’ डाक्टर केसीका सहयोगी चिकित्सक डा. अमृत जैशीले भने । सरकारी पक्ष हालै नियुक्त गरेका रजिष्टार डा. भीम बहादुर चन्दलाई हटाउन तयार भएपनि डाक्टर केसीले उपकुलपति पनि नहटाउँदासम्म अनशन नछोडने बताएपछि आइतबार रातीको वार्ता विफल भएको थियो ।