धनगढीमा आत्मदाह प्रयास गरेका युवकको मृत्यु

आत्मदाहको प्रयासपछि गम्भीर घाइते भएका कैलालीको धनगढी उपमहानगरपालिका–७ का ३५ वर्षीया ज्योति चौधरीको आज मृत्यु भएको छ।

जिल्ला प्रहरी कार्यालयका अनुसार गत शनिबार साँझ आफ्नै घरभित्र शरीरमा आगो लगाएपछि चौधरी घाइते भएका थिए। उनको शरीरको करिब ६० प्रतिशत भाग जलेको अवस्थामा आफन्तले तत्काल उपचारका लागि सेती प्रादेशिक अस्पताल, धनगढीमा भर्ना गरेका थिए। त्यहाँबाट थप उपचारका लागि भेरी अस्पताल, नेपालगन्ज रिफर गरिए पनि आफन्तले उनलाई सिधैँ काठमाडौं लैजाँदै गरेका थिए।