गुल्मी-२ का संघीय सांसद गोविन्द पन्थीलाई नमागेका सुझाव

गुल्मी-२ का संघीय सांसद माननीय गोविन्द पन्थी पछिल्ला तीन महिनामा तीन पटक गाउँ पुग्नुभएको छ। निर्वाचनताका हामीले सँगै उठाएका परिवर्तनका नाराहरू उहाँले अझै पनि दोहोर्‍याइरहनुभएको देखिन्छ। रिडीदेखि अग्लुङ, अर्खबाङ, नेटा, दर्लिङ हुँदै मुसिकोटसम्म पक्की सडकमार्फत केही घण्टामै यात्रा गर्दै पुराना नेतृत्वमाथि ‘खत्तम पारे, खाए, केही गरेनन्’ भन्ने आरोप लगाउँदै सामाजिक सञ्जालमा तस्बिर, अडियो र भिडियो सार्वजनिक गरिरहनुभएको छ।

तर गुल्मी जिल्लाको विगत ३५ वर्षको विकास यात्रालाई निष्पक्ष रूपमा हेर्ने हो भने सडक, विद्युत्, विद्यालय, स्वास्थ्य संस्था तथा पर्यटनलगायतका आधारभूत पूर्वाधारमा उल्लेखनीय प्रगति भएको तथ्यलाई नकार्न सकिँदैन। अपेक्षाअनुसार सबै काम नभए पनि भएका उपलब्धिलाई अस्वीकार गर्नु न्यायोचित हुँदैन।