नागढुंगा-सिस्नेखोला सुरुङमार्ग उद्घाटन, सुरुमा अत्यावश्यक सवारीलाई मात्र अनुमति (तस्बिरहरू)

काठमाडौँ- नागढुंगा-सिस्नेखोला सुरुङमार्ग औपचारिक रूपमा उद्घाटन गरिएको छ। पूर्वाधार विकासमन्त्री सुनिल लम्सालले जापानी राजदूत मायदा तोरु र जाइका अध्यक्ष डा.तानाका अकिहिकोको उपस्थितिमा सुरुङमार्ग उद्घाटन गरेका हुन्।

आयोजनाका अनुसार सुरुङमार्ग सुरुमा एम्बुलेन्स, दमकल, सुरक्षा निकाय तथा अन्य अत्यावश्यक सेवाका सवारीसाधनका लागि मात्रै खुला रहनेछ। करिब तीन महिनाको परीक्षण अवधिपछि सुरक्षा र ट्राफिक व्यवस्थापनको मूल्यांकन गरी अन्य सवारीलाई पनि चरणबद्ध रूपमा सञ्चालन अनुमति दिइनेछ।