लामो युद्धका लागि अमेरिकाभन्दा बलियो अवस्थामा इरान

वासिङ्टन । इरानसँग अझै ठूलो मात्रामा क्षेप्यास्त्र, ड्रोन र रकेट मौज्दात रहेकाले लामो समयसम्म युद्ध जारी रहेमा इरान अमेरिकाभन्दा तुलनात्मक रूपमा राम्रो अवस्थामा हुन सक्ने एक अमेरिकी सैन्य विश्लेषकले बताएका छन्।

सीएनएनसँग कुरा गर्दै अमेरिकी वायुसेनाका पूर्व कर्णेल तथा सैन्य विश्लेषक सेड्रिक लेटनले इरानले आफ्नो प्रारम्भिक हतियार भण्डारको करिब दुईतिहाइ हिस्सा अझै सुरक्षित राखेको अनुमान व्यक्त गरेका छन्। उनका अनुसार अमेरिकाले महिनौँदेखि जारी राखेको हवाई आक्रमणका बाबजुद इरानसँग अझै पर्याप्त मिसाइल, ड्रोन र रकेट उपलब्ध छन्।