कप्तानगञ्ज घटनाको निष्पक्ष छानबिन गर्न सांसद साहको माग

सुनसरी : कसुनसरीको देवानगञ्ज गाउँपालिका–३, कप्तानगञ्जमा साउने सोमबारको बोलबम यात्राका क्रममा भएको हिंसात्मक झडपको निष्पक्ष छानबिन गर्न प्रतिनिधिसभा सदस्य ई. दीपककुमार साहले माग गरेका छन्।

सोमबार राति करिब १० बजे दुई समुदायबीच भएको झडपमा देवानगञ्ज–३ का २४ वर्षीय ओमप्रकाश मेहताको मृत्यु भएको थियो। घटनामा घाइते भएका आठ जनाको विराटनगरका विभिन्न अस्पतालमा उपचार भइरहेको र अधिकांशलाई गोली लागेको जानकारी प्राप्त भएको सांसद साहले जनाएका छन्।