मन्त्री लम्सालको कडा घोषणा: केपी ओलीको नाम अङ्कित शिलान्यासको हराएको शिलालेख खोजेरै पुनःस्थापना गरिने!

काठमाडौं। नेपालकै पहिलो आधुनिक सडक सुरुङमार्गका रूपमा निर्माण गरिएको नागढुङ्गा–सिस्नेखोला सुरुङमार्ग सञ्चालनमा आएसँगै आयोजनासँग जोडिएको शिलान्यास शिलालेखको विषय पुनः चर्चामा आएको छ।

विसं २०७६ साल कात्तिक ४ गते तत्कालीन प्रधानमन्त्री केपी शर्मा ओलीले आयोजना शिलान्यास गर्नुभएको थियो। त्यसबेला स्थापना गरिएको शिलान्यास शिलालेख राजनीतिक परिवर्तनपछि आयोजनास्थलबाट हटाइएको भन्दै लामो समयदेखि विभिन्न राजनीतिक वृत्तमा चर्चा हुँदै आएको थियो।