सुनसरी घटनापछि केन्द्रीय सुरक्षा समितिको बैठक बस्दै

११ साउन, काठमाडौं । सुनसरीको घटनापछि केन्द्रीय सुरक्षा समितिको बैठक बोलाइएको छ । घटना छानबिनका लागि पाँच सदस्यीय समिति गठन गरेको सरकारले आज साँझ पाँच बजे केन्द्रीय सुरक्षा समितिको बैठक बोलाएको हो ।

गृह मन्त्रालयको अध्यक्षतामा हुने केन्द्रीय समितिमा गृहसचिव, नेपाल प्रहरीका प्रहरी महानिरीक्षक, सशस्त्र प्रहरी बलका महानिरीक्षक, राष्ट्रिय अनुसन्धान विभागका मुख्य अनुसन्धान निर्देशक र नेपाली सेनाका प्रतिनिधि रहन्छन् । उनीहरुले सुनसरी घटनासहित देशको समग्र शान्ति सुरक्षाको अवस्था विश्लेषण गर्दै आवश्यक रणनीति बनाउने बताइएको छ ।