एमबीएसको प्रश्नपत्र आउट गर्ने सबैविरुद्ध कारबाही अगाडि बढाइसकेका छौँ : शिक्षामन्त्री पोखरेल

जनकपुर । शिक्षा तथा खेलकुदमन्त्री सस्मित पोखरेलले एमबीएसको प्रश्नपत्र बाहिरिएको घटनामा मुख्य आरोपी पक्राउ परिसकेको र घटनाको अनुसन्धान तीव्ररूपमा अघि बढाइएको बताएका छन् ।

सोमबार जनकपुरधामस्थित संकटमोचन विद्यालयमा विद्यार्थीलाई खेलकुद सामग्री वितरण कार्यक्रमपछि सञ्चारकर्मीसँग कुरा गर्दै मन्त्री पोखरेलले प्रश्नपत्र बाहिरिएको विषयमा सरकारले तत्कालै प्रक्रिया अघि बढाएको जानकारी दिए ।