राष्ट्र बैंकको कारबाहीमा तीन बैंक तथा वित्तीय संस्था, कुनलाई कस्तो कारबाही ?

नेपाल राष्ट्र बैंकले तीन वटा बैंक तथा वित्तीय संस्थालाई कारबाही गरेको छ । केन्द्रीय बैंकले नियम मिच्ने दुई विकास बैंक र एक फाइनान्स कम्पनीलाई कारबाही गरेको हो ।

केन्द्रीय बैंकले गत आर्थिक वर्ष २०८२/८३ को चौथो त्रैमासमा २ विकास बैंक र फाइनान्स माथि कारबाही गरेको छ । कारबाहीमा पर्नेमा नारायणी डेभलपमेन्ट बैंक, सप्तकोशी डेभलपमेन्ट बैंक र रिलायन्स फाइनान्स छन्। केन्द्रीय बैंकले नारायणी डेभलपमेन्ट बैंकलाई समस्याग्रस्त संस्थाको सूचीबाट हटाउँदा राखिएको सर्तबमोजिम एउटै ग्राहक, फर्म, कम्पनी वा आपसी सम्बन्ध भएका ग्राहकहरुको समूहलाई कोषमा आधारित कर्जा सापट र गैरकोषमा आधारित सुविधाहरुसमेत गरी आफ्नो प्राथमिक पुँजीको बढीमा १० प्रतिशतसम्मको सीमा कायम गरी प्रदान गर्न सक्ने गरी एकल ग्राहक कर्जा सीमा कायम गरिएकोमा आर्थिक वर्ष २०८१/८२ मा संस्थाले उक्त व्यवस्थाको उल्लंघन गरी कर्जाहरु प्रवाह गरेको देखिएको र उक्त समयमा प्रमुख कार्यकारी अधिकृत पदमा बहाल रहेकाले यस प्रकारका कैफियत दोहोरिन नदिनका लागि नेपाल राष्ट्र बैंक ऐन, २०५८ को दफा १०० को उपदफा २ को खण्ड (क) बमोजिम विष्णु रेग्मीलाई (तत्कालीन प्रमुख कार्यकारी अधिकृत) सचेत गराइएको छ ।