राजनीतिमा प्रवेश गर्दै अभिनेता धनुष ?

नयाँ दिल्ली । दक्षिण भारतीय चलचित्रका लोकप्रिय अभिनेता तथा निर्देशक धनुष राजनीतिमा प्रवेश गर्न सक्ने चर्चा चुलिएको छ । उनले आफ्ना समर्थकलाई केवल चलचित्रको उत्सव मनाउनेमा सीमित नरही समाज सेवामा सक्रिय हुन आग्रह गरेपछि यस्तो अड्कलबाजी सुरु भएको हो ।

आइतबार धनुषका प्रशंसकहरूले आयोजना गरेको रक्तदान कार्यक्रममा सहभागी हुँदै उनले समर्थकहरूको एकताले ठूलो शक्ति बोकेको बताए । उक्त शक्तिलाई समाजको हितमा प्रयोग गर्नुपर्नेमा उनले जोड दिएका थिए ।