मिस नेपाल : ताजभन्दा ठूलो सपना बोकेकी प्रतिमा

काठमाडौँ- धेरैका लागि मिस नेपाल सौन्दर्य, आकर्षण र ताजको प्रतिस्पर्धा हो। झिलिमिली बत्ती, र्‍याम्प र मुस्कानभित्र सीमित देखिने एउटा उत्सव। तर अस्ट्रेलियाबाट मिस नेपाल २०२६ मा सहभागी हुनकै लागि नेपाल आएकी प्रतिमा खड्काका लागि यो मञ्च त्यसभन्दा निकै फरक अर्थ बोकेको छ। उनले मिस नेपाल प्रतियोगिता एउटा विचार समाजसम्म पुर्‍याउने अवसर रहेको बताइन्। प्रतियोगिता नेपाललाई मानसिक कल्याण, करुणा र सचेत जीवनशैलीको विश्वव्यापी केन्द्रका रूपमा स्थापित गर्ने अभियानका रूपमा उनले लिएकी छन्।

प्रतिमा प्रतियोगितामा सहभागी हुनुअघि नै स्पष्ट रूपमा भनिसकेकी थिइन्- मिस नेपालको मञ्चले एउटा आवाज दिन्छ भने त्यो आवाज मानसिक स्वास्थ्य र सचेत जीवनशैलीको पक्षमा उठ्नेछ।