सलमान खानलाई राहत, हट्ने भयो ‘काला हिरण’को टिजर

नयाँ दिल्ली । बलिउड अभिनेता सलमान खानसँग सम्बन्धित रहेको भनिएको फिल्म ‘काला हिरणः द ब्याटल फर लिगेसी’ फेरि समाचारमा छ ।

दिल्ली उच्च अदालतले फिल्मको टिजर हटाउन आदेश दिएको छ । अदालतले फिल्मका निर्माता अमित जानीको कार्यशैलीप्रति असन्तुष्टि जनाउँदै सामाजिक सञ्जालबाट टिजरसहित सम्बन्धित सामग्री हटाउन निर्देशन दिएको हो । यो फिल्म सन् १९९८ को चर्चित कालो हरिण शिकार प्रकरणबाट प्रेरित भएको बताइएको छ । फिल्मको टिजर सार्वजनिक भएपछि सलमान खानले आफ्नो छवि र व्यक्तिगत अधिकारमा असर परेको भन्दै दिल्ली उच्च अदालतमा मुद्दा दायर गरेका थिए ।