दीपक भट्टको रिटमा सर्वोच्चको आदेश : उच्च अदालत र विशेष अदालतसँग कैफियत प्रतिवेदन माग

काठमाडौं- सर्वोच्च अदालतले बैंकिङ कसुर र सम्पत्ति शुद्धीकरण मुद्दामा पुर्पक्षका लागि थुनामा रहेका दीपक भट्टले दायर गरेको रिट निवेदनमाथि सुनुवाइ गर्दै उच्च अदालत पाटन र विशेष अदालतबाट कैफियत प्रतिवेदन झिकाउन आदेश दिएको छ।

न्यायाधीश विनोद शर्माको एकल इजलासले भट्टलाई थुनामा पठाउनुको आधार र कारणसहितको प्रतिवेदन दुवै अदालतबाट माग गर्ने आदेश दिएको हो। पुर्पक्षका लागि थुनामा पठाउने आदेश बदरको माग गर्दै भट्टका तर्फबाट शुक्रबार सर्वोच्च अदालतमा रिट दायर गरिएको थियो।