व्हाट्सएपको नयाँ सुरक्षा अपडेट, अकाउन्टमा पासवर्ड राख्न सकिने

काठमाडौं । लोकप्रिय म्यासेजिङ प्लेटफर्म व्हाट्सएपले प्रयोगकर्ताको अकाउन्टलाई अझ सुरक्षित बनाउन पासवर्डमा आधारित नयाँ सुरक्षा सुविधा ल्याउने तयारी गरेको छ । हाल व्हाट्सएपमा दुई तहको सुरक्षा (Two-Factor Authentication–2FA) का लागि ६ अङ्कको पिन (PIN) प्रयोग गर्नुपर्ने व्यवस्था रहेको छ । अब कम्पनीले यसको विकल्पका रूपमा पासवर्ड प्रयोग गर्ने सुविधा परीक्षण गरिरहेको छ ।

व्हाट्सएपले पछिल्लो समय प्रयोगकर्ताको गोपनीयता र सुरक्षालाई प्राथमिकतामा राख्दै विभिन्न नयाँ फिचर सार्वजनिक गर्दै आएको छ । सोही क्रममा अकाउन्ट सुरक्षालाई थप मजबुत बनाउन पासवर्ड सुविधा विकास भइरहेको बताइएको छ ।