विश्वकै उत्कृष्ट विलासी होटल बन्यो मुस्ताङको ‘शिन्तामणि’, नेपालको पर्यटनमा नयाँ इतिहास

काठमाडौँ। अन्तर्राष्ट्रिय प्रतिष्ठित लक्जरी लाइफस्टाइल म्यागेजिन ‘रोब रिपोर्ट’ ले सार्वजनिक गरेको सन् २०२६ का विश्वका ५० उत्कृष्ट विलासी होटलहरूको सूचीमा नेपालको मुस्ताङस्थित ‘शिन्तामणि मुस्ताङ’ पहिलो स्थानमा परेको छ।

विश्वका चर्चित होटल, रिसोर्ट र सफारी क्याम्पलाई पछि पार्दै शिन्तामणि मुस्ताङले विश्वकै उत्कृष्ट लक्जरी होटलको उपाधि जितेको हो। यस उपलब्धिलाई नेपालको पर्यटन क्षेत्रका लागि ऐतिहासिक सफलता मानिएको छ।