बचत फिर्ता नभए सशक्त आन्दोलन गर्ने सहकारी पीडितको चेतावनी [भिडियो]

काठमाडौँ। सहकारी पीडित बचतकर्ताहरूले आफ्नो बचत रकम तत्काल फिर्ता नगरे सशक्त आन्दोलनमा उत्रिने चेतावनी दिएका छन्।

सहकारी पीडित बचतकर्ता महासंघको नेतृत्वमा सोमबार माइतीघर मण्डलामा प्रदर्शन गर्दै उनीहरूले सरकारले आफ्ना मागप्रति बेवास्ता गरेको आरोप लगाए। प्रदर्शनकारीले साना र ठूला बचतकर्ता भनेर पीडितलाई विभाजन गर्न खोजिएको भन्दै त्यसको विरोधसमेत गरेका छन्।