देवानगञ्ज घटनाबारे मानव अधिकार आयोगले थाल्यो अनुसन्धान,  सद्भाव कायम राख्न अपिल

काठमाडौं । सुनसरीको देवानगञ्जमा दुई समुदायबीच भएको झडप तथा त्यसपछि प्रहरीले गोली चलाउँदा एक जनाको मृत्यु भएको घटनाबारे राष्ट्रिय मानव अधिकार आयोगले अनुसन्धान अघि बढाएको छ।

आयोगका प्रवक्ता डा. टीकाराम पोखरेलले जारी गरेको विज्ञप्तिअनुसार आयोगको कोशी प्रदेश कार्यालय, विराटनगरको टोलीले घटनास्थलमा पुगेर प्रारम्भिक अनुगमन सुरु गरेको छ।