सामाजिक स्याहार सुधार्ने बेलायती प्रधानमन्त्रीको प्रतिबद्धता

काठमाडाैँ । बेलायतका प्रधानमन्त्री एन्डी बर्नह्यामले राष्ट्रिय स्वास्थ्य सेवा (एनएचएस) माथिको बढ्दाे दबाब कम गर्न देशको सामाजिक स्याहार प्रणालीमा व्यापक सुधार गर्ने प्रतिबद्धता व्यक्त गरेका छन्। पदभार सम्हालेको एक सातापछि बीबीसीसँगको अन्तर्वार्तामा उनले आफ्नो राजनीतिक पूँजीको प्रमुख हिस्सा यही सुधारमा केन्द्रित गर्ने बताए।

बर्नह्यामले आफूले पदमा रहँदासम्म सामाजिक स्याहार क्षेत्रमा अर्थपूर्ण परिवर्तन नगरी सरकारबाट बाहिरिन नचाहेको स्पष्ट पारे। उनका अनुसार सुधार कार्य सकेसम्म छिटो अघि बढाइने भए पनि नयाँ प्रणाली कार्यान्वयन गर्न समय लाग्नेछ।