दक्षिण कोरियाका पूर्वराष्ट्रपति युनलाई निलम्बित जेल सजाय

दक्षिण कोरियाको एक अदालतले पूर्वराष्ट्रपति युन सुक योललाई सन् २०२२ को राष्ट्रपतीय निर्वाचन अभियानका क्रममा झुटा अभिव्यक्ति दिएको अभियोगमा दोषी ठहर गर्दै १८ महिनाको जेल सजाय सुनाएको छ । अदालतले उक्त सजाय तीन वर्षका लागि निलम्बन गरेकाले उहाँ तत्काल जेल जानु पर्ने छैन, तर फैसला अन्तिम रूपमा सदर भएमा यसले युन र उहाँको दललाई ठूलो राजनीतिक तथा आर्थिक असर पार्ने देखिएको छ ।

सियोल केन्द्रीय जिल्ला अदालतले युनका गलत अभिव्यक्तिले मतदाताको स्वतन्त्र र निष्पक्ष निर्णय प्रक्रियामा असर पारेको ठहर गर्दै निलम्बित कैद सजाय सुनाएको हो । युनले भने आरोप अस्वीकार गर्नुभएको छ । उहाँका कानून व्यवसायीले अदालतले तथ्य र निर्वाचन कानूनको गलत व्याख्या गरेको दाबी गर्दै उच्च अदालतमा पुनरावेदन गर्ने बताएका छन् ।