थप गरिएका परिषद् रजिस्ट्रारका उम्मेदवारको अन्तर्वार्ता लिइएन

काठमाडौँ । नेपाल आयुर्वेद चिकित्सा परिषद्को रजिस्ट्रारको अन्तर्वार्ता मिति भइसकेपछि नाम थप गरिएका रमेश पौडेल अन्तर्वार्ता र प्रस्तुतीकरण दिनबाट रोकिएका छन् । विभिन्न परिषद्, अस्पताल र बोर्डका पदाधिकारी नियुक्तिका लागि उम्मेदवार सिफारिस गर्न गठित समितिको गत शुक्रबारको निर्णयअनुसार रमेश पौडेललाई अन्तर्वार्ता प्रक्रियामा समावेश गर्ने गरी स्वास्थ्य तथा खाद्य स्वच्छता मन्त्रालयले सूचना प्रकाशित गरेको थियो । परिषद्को अन्तर्वार्ता आज तोकिएको थियो । तर, उनको अन्तर्वार्ता लिइएन ।

परिषद्को रजिस्ट्रार पदका लागि अजयकुमार चौधरी, पुष्पराज पौडेल, बुद्धिप्रसाद पौडेल, विशुन दयालप्रसाद पटेल र हरिशरण अर्यालको अन्तर्वार्ता भएको छ । तर, डा.पौडेललाई आजको अन्तर्वार्तास्थलमा उपस्थित भई हाजिरसमेत गरिसकेपछि अन्तर्वार्तामा सहभागी नगराई फिर्ता गरिएको थियो ।