सविन राई र नविन के. भट्टराई क्लब नोभाको लाइभ कन्सर्टमा गुञ्जिने

काठमाडौं । नेपाली सांगीतिक क्षेत्रका दुई चर्चित ब्यान्ड ‘सविन राई एन्ड द फारोह’ र ‘नविन के. भट्टराई एन्ड अतृप्त’ एकै मञ्चमा प्रस्तुत हुने भएका छन् । २३ साउन (८ अगस्ट) शनिबार ठमेलस्थित क्लब नोभामा आयोजना हुने ‘द रक लेगेसी’ लाइभ कन्सर्टमा ती दुई प्रतिष्ठित सांगीतिक समूह गुञ्जिन लागेका हुन् ।

स्मार्ट जीको प्रस्तुतिमा आयोजना हुन लागेको कन्सर्टमा दुवै ब्यान्डले आफ्ना चर्चित तथा सदाबहार गीतमार्फत दर्शकलाई मनोरञ्जन दिनेछन् । कार्यक्रममा गेस्ट डीजे निशानको विशेष प्रस्तुति पनि रहनेछ ।