सुदूरपश्चिममा धनगढीबाट पहिलो पटक भूमि प्रशासन सेवा सुरु

धनगढी । सुदूरपश्चिम प्रदेशमा पहिलो पटक धनगढी उपमहानगरपालिकाबाट भूमि प्रशासन सेवा सुरु भएको छ । उपमहानगरपालिकाले भूमि व्यवस्थापन शाखा स्थापना गरेर चालु आर्थिक वर्षदेखि नापनक्सा, जग्गा लिखत पास र राजस्व संकलन लगायतका सेवा सञ्चालनमा ल्याएको हो ।

यसअघि यी सेवाहरू भूमि सुधार, मालपोत र नापी कार्यालयबाट प्रदान हुँदै आएका थिए । अब ती सबै सेवा उपमहानगरपालिकाको भूमि व्यवस्थापन शाखाबाटै नियमित रूपमा उपलब्ध हुने धनगढी उपमहानगरपालिकाले जनाएको छ ।