अनपेक्षित थिएन कप्तानगञ्ज घटना, कहाँ चुक्यो सुरक्षा संयन्त्र ?

काठमाडौं– सुनसरी जिल्लाको सुदूर दक्षिणी भेगमा धेरै गञ्जहरू छन् । साहेबगञ्ज, कप्तानगञ्ज, देवानगञ्ज, राजगञ्ज, रामगञ्ज इत्यादी । भारतको सीमा कटेर त्यहाँबाट अझै दक्षिणतिर जाने हो भने त्यहाँ पनि भैरोगञ्ज, नरपतगञ्ज, दर्गाहिगञ्ज, फोरबिसगञ्जजस्ता ठाउँ भेटिन्छन् । सुनसरीका यिनै गञ्जमध्येको देवानगञ्ज गाउँपालिका कप्तानगञ्जमा आइतबार अबेर राति दुई समुदायबीच उत्पन्न विवादले हिंसात्मक रुप लियो ।