‘असीमित’ शक्ति भइकन नराम्ररी फसेका ट्रम्प

राष्ट्रपति डोनाल्ड ट्रम्प आफ्नो अस्थिर र अप्रत्याशित छविको खुब गुणगान गाउँछन्। यसले मित्र र शत्रु दुवैलाई द्विविधाग्रस्त अवस्थामा राख्ने उनको भनाइ छ। १३ महिनाअघि इरानका आणविक केन्द्रहरूमा बम प्रहार र गत जनवरीमा भेनेजुएलाका राष्ट्रपति निकोलस मदुरोलाई आफ्नै ओछ्याउनबाट उठाउने कदमको उनी आफैँले बढाइचढाइ बखान गर्दै आएका छन्।

त्यस्ता सैन्य कारबाही गर्न आफूअघिका राष्ट्रपतिहरू हिच्किचाउने उनले दाबी गरेका थिए। संसारको सबैभन्दा ठूलो शक्ति भएकाले आफूलाई ‘आफ्नै नैतिकताले मात्र’ रोक्न सक्ने उनको भनाइ थियो।