सिलिन्डर साट्दा चाप देखिएको हो, ग्यास अभाव छैन : ग्यास उद्योग संघ

काठमाडौँ । नेपाल एलपी ग्यास उद्योग संघका अध्यक्ष दिवानबहादुर चन्दले बजारमा ग्यासको आयातमा कुनै कमी नभएको बताएका छन् । पछिल्लो समय ग्यासको अभाव हुन थालेको चर्चा चलिरहँदा अध्यक्ष चन्दले आयात नियमित रहेको र प्राविधिक कारणले मात्र केही चाप देखिएको जानकारी दिएका हुन् ।

रातोपाटीसँग कुराकानीमा अध्यक्ष चन्दले अहिले दैनिक १०० बुलेटभन्दा बढी ग्यास नेपाल भित्रिरहेको बताए । उनले आयातमा कुनै अवरोध नभए पनि उपभोक्ताले पहिले लिएका आधा सिलिन्डर साट्न र थुप्रिएका खाली सिलिन्डर एकैपटक भर्न खोज्दा बजारमा केही दबाब परेको स्पष्ट पारे ।