सर्वोच्चको नयाँ व्यवस्था : आदेश भएकै दिन विद्युतीय प्रणालीमा अपलोड हुने

काठमाडौं । सर्वोच्च अदालतले न्यायिक सेवा प्रवाहलाई थप छिटो, पारदर्शी र प्रविधिमैत्री बनाउने उद्देश्यसहित अदालतबाट जारी हुने आदेशहरू सोही दिन विद्युतीय प्रणालीमा अपलोड गर्ने व्यवस्था कार्यान्वयनमा ल्याएको छ ।

सोमबारदेखि लागू भएको नयाँ व्यवस्थाअनुसार इजलासबाट जारी हुने अन्तरिम आदेश, कारण देखाउ आदेश तथा अन्य सबै प्रकारका आदेश (अन्तिम फैसला बाहेक) आदेश भएकै दिन अदालतको विद्युतीय प्रणालीमा उपलब्ध गराइनेछ ।