कांग्रेस क्रियाशील सदस्यता आवेदन अनुमोदनको अन्तिम मिति साउन १४ तोकियो

काठमाडौं । नेपाली कांग्रेसले नयाँ क्रियाशील सदस्यता आवेदन अनुमोदन गर्ने अन्तिम मिति २०८३ साउन १४ गतेसम्म निर्धारण गरेको छ।

पार्टीका महामन्त्री तथा सदस्यता व्यवस्थापन केन्द्रीय समितिका संयोजक प्रदीप पौडेलको अध्यक्षतामा सोमबार ललितपुरस्थित केन्द्रीय कार्यालय बीपी स्मृति भवनमा बसेको सदस्यता व्यवस्थापन केन्द्रीय समितिको बैठकले सदस्यता व्यवस्थापनलाई समयमै टुंग्याउने उद्देश्यसहित विभिन्न निर्णय गरेको हो। कांग्रेसमा यस प्रकारको अन्तिम मिति पटकपटक तोकिएको छ । खास गरी संस्थापनइतरपक्षले अद्यावधिक नगर्न बहिष्कार अभियान चलाएकाले यस्तो मिति पटकपटक सारिएको हो ।