नेपालमा मुटु तथा छाती शल्यचिकित्साका नवीनतम प्रविधिबारे अन्तर्राष्ट्रिय कार्यशाला सम्पन्न

काठमाडौं । नेपालमा मुटु तथा छाती शल्यचिकित्सा सेवाको गुणस्तर अभिवृद्धि तथा नवीनतम चिकित्सा प्रविधिबारे ज्ञान आदानप्रदान गर्ने उद्देश्यले म्याक्स पेसेन्ट असिस्टेन्स सेन्टर, काठमाडौं र ह्याम्स अस्पतालको संयुक्त आयोजनामा ‘रिसेन्ट एडभान्सेस इन कार्डियाक एन्ड थोरेसिक सर्जरी’ विषयक कन्टिन्युइङ मेडिकल एजुकेसन (सिएमई) कार्यशाला सम्पन्न भएको छ ।

कार्यशालामा नेपाल तथा भारतका वरिष्ठ कार्डियाक तथा थोरेसिक सर्जनहरूले पछिल्ला वैज्ञानिक उपलब्धि, जटिल शल्यचिकित्साको व्यवस्थापन तथा आधुनिक उपचार प्रविधिबारे प्रस्तुति दिएका थिए ।