भोटेकोशी बाढी : बागमती प्रदेशमा राजनीतिक दलका शीर्ष नेतासहितको बैठक

भदौ १० गते भोटेकोशीमा आएको विनाशकारी बाढीबाट भएको क्षति तथा प्रभावित क्षेत्रमा उद्धार, राहत र पुनर्स्थापनाका लागि आगामी रणनीति तय गर्न बागमती प्रदेशमा राजनीतिक दलका शीर्ष नेतासहितको बैठक बसेको छ।

मुख्यमन्त्री किरण थापा मगरको अध्यक्षतामा बसेको बैठकमा प्रदेशका पूर्वमुख्यमन्त्रीहरू, विषयगत मन्त्रीहरू तथा विभिन्न राजनीतिक दलका संसदीय दलका नेताहरू सहभागी भएका थिए। पूर्वमुख्यमन्त्रीहरू राजेन्द्र पाण्डे, शालिकराम जम्कट्टेल र बहादुरसिंह लामा सहभागी भएको बैठकमा नेकपा एमालेका संसदीय दलका नेता जगन्नाथ थपलिया भने ह्वाट्सएपमार्फत जोडिएका थिए।