सुनसरी घटनामा संयम अपनाउन मुख्यमन्त्री कार्कीको आग्रह, अफवाहको पछि नलाग्न अपिल

कोशी प्रदेशका मुख्यमन्त्री हिक्मतकुमार कार्कीले सुनसरीमा दुई समुदायबीच भएको हिंसात्मक घटनापछि सबैलाई संयमित रहन, अपुष्ट सूचना र अफवाहको पछि नलाग्न आग्रह गरेका छन्।

मंगलबार जारी विज्ञप्तिमार्फत मुख्यमन्त्री कार्कीले सामाजिक सद्भाव, आपसी विश्वास र भाइचाराको भावना अझ सुदृढ बनाउन सबै पक्षलाई आह्वान गरेका हुन्।