राष्ट्रसेवक कर्मचारी समाज, नुवाकोटद्वारा निःशुल्क स्वास्थ्य शिविर

नुवाकोट। राष्ट्र सेवक कर्मचारी समाज, नुवाकोटले जिल्लाको किस्पाङ गाउँपालिकाको सहकार्यमा शनिबार आयोजना गरेको बृहत् निःशुल्क स्वास्थ्य शिविरमा ४०६ जनाले सेवा लिएका छन्।

किस्पाङ–३, काहुले स्वास्थ्यचौकीमा विभिन्न विशेषज्ञबाट स्वास्थ्य सेवा प्रदान गरिएको थियो। शिविरमा शल्य चिकित्सक, हाडजोर्नी, स्त्री रोग, जनरल फिजिसियन, आँखासहितको विशेषज्ञहरूबाट सेवा दिएको थियो। त्यसमध्ये १५२ जनाको भिडियो एक्सरे गरिएको छ।