भारतीय जेलमा रहेका नेपाली किसानको तत्काल रिहाइ गर्न सरकारसँग कांग्रेसको माग

काठमाडौँ । नेपाली कांग्रेसले रासायनिक मल खरिदका लागि भारत जाँदा पक्राउ परी भारतीय जेलमा रहेका दुई नेपाली किसानको अविलम्ब रिहाइका लागि सरकारसँग माग गरेको छ।

कांग्रेस महामन्त्री प्रदीप पौडेलले एक प्रेस विज्ञप्ति जारी गर्दै सर्लाहीको बलरा नगरपालिकाका दुई किसान सुरेशप्रसाद सिंह र नागेन्द्रप्रसाद सिंहको रिहाइका लागि कूटनीतिक र कानुनी पहल गर्न सरकारको ध्यानाकर्षण गराएका हुन् ।