सांसद पौडेलले सुकुमबासी बस्तीबाट भने : ‘साथीहरू डोजर चल्छ भनेर डराउनुभएको छ, कसले चलाउँछ डोजर ?’

पोखरा । पोखरा महानगरपालिका ९ बसपार्क क्षेत्रमा रहेका सुकुमबासीलाई आफै लालपुर्जा ल्याएर घरघरमै वितरण गर्ने कास्की २ का सांसद उत्तम प्रसाद पौडेलले दाबी गरेका छन् । सुकुमबासी बस्तीमा ३ महिनापछि पुगेका पौडेलले आफू अब आउँदा लालपुर्जा लिएर आउने बताएका हुन् ।

पोखरा महानगरपालिकाले सुकुमबासी र भूमिहीन दलित तथा अव्यवस्थित बसोबासीलाई हटाएर त्यहाँ बसपार्क निर्माणको तयारी गरिरहेको छ । मेयर धनराज आचार्यले केही हप्ताभित्रै उनीहरूलाई व्यवस्थापन गरिने र त्यहाँ बसपार्क निर्माण गर्ने बताइरहेका बेला सांसद पौडेलले लालपुर्जा दिएर मात्रै सुकुमबासी बस्तीमा डोजर चल्ने चेतावनी दिएका हुन् ।