अमेरिका–इरान सम्झौतापछि कच्चा तेलको मूल्यमा ठूलो गिरावट

निक एडसर / न्युयोर्क : अमेरिका र इरानबीचको आक्रमणमा विराम लाग्नाले द्वन्द्व समाधानतर्फ मोडिन सक्ने आशाका बीच कच्चा तेलको मूल्यमा तीव्र गिरावट आएको छ। ग्लोबल बेन्चमार्क मानिने ब्रेन्ट क्रुडको मूल्य एकैपटक ९ प्रतिशतभन्दा बढीले घटेर प्रतिब्यारेल ८८ डलरभन्दा तल झरेको छ। यो गत हप्ताको तुलनामा ठूलो फेरबदल हो, जतिबेला यसको मूल्य १०० डलरभन्दा माथि पुगेको थियो।

संयुक्त राष्ट्रसंघका लागि अमेरिकी राजदूतले ‘वार्तालाई केही समय र अवसर दिनका लागि’ इरानमाथिको आक्रमण लगातार दोस्रो रात पनि रोकिएको बताएपछि यो गिरावट आएको हो। यसैको प्रतिक्रियास्वरूप इरानी सेनाका प्रवक्ताले आइतबार तेहरानले पनि यस क्षेत्रमा गरिरहेको ‘जवाफी’ आक्रमणहरू स्थगित गरेको बताएका थिए।