युरोपकै अग्लो शिखर रुसको माउन्ट एल्ब्रुसमा पाँच पर्वतारोहीको मृत्यु

जर्जिया । रुसको माउन्ट एल्ब्रुसमा आएको भीषण हिमआँधीमा परेर बोस्निया र हर्जेगोभिनाका पाँच जना पर्वतारोहीको मृत्यु भएको पुष्टि भएको छ। खराब मौसमका कारण उनीहरूमध्ये तीन जनाको शव अझै पर्वतबाट तल झार्न नसकिएको रुसी समाचार संस्था आरआईए नोभोस्तीले आइतबार जनाएको छ।

रुसको आपत्कालीन मन्त्रालयका अनुसार उद्धारकर्ताले समुद्री सतहबाट ५,३५० मिटर (१७,५५२ फिट) उचाइमा रहेका दुई पर्वतारोहीको शव उद्धार गरेका छन्। त्यसअघि उद्धार टोलीले दुई जना जीवित पर्वतारोहीलाई सुरक्षित रूपमा तल ल्याएर उपचारका लागि अस्पताल पठाएको थियो।