खहरे खोला नजिक सुख्खा पहिरो, मुग्लिन-नारायणगढ सडक दुईतर्फी अवरुद्ध

मुग्लिन–नारायणगढ खण्डअन्तर्गत मुग्लिन नजिकै पर्ने खहरे खोलामा सुख्खा पहिरो खस्दा सडक पूर्ण रूपमा अवरुद्ध भएको छ। मंगलबार बिहान गएको पहिरोका कारण सडक बन्द हुँदा सयौँ सवारीसाधन र यात्रुहरू बाटोमै रोकिएका छन् ।

पहिरो गएलगत्तै सडक खुलाउन सम्बन्धित निकायले तदारुकता देखाएको छ। पहिरो पन्छाउन अहिले घटनास्थलमा आवश्यक मेशिन तथा उपकरणहरू परिचालन भइसकेको सडक डिभिजन कार्यालय भरतपुरले जनाएको छ ।