बेबी पाउडरसम्बन्धी मुद्दा सल्ट्याउन साढे ५ अर्ब तिर्ने जोनसन एन्ड जोनसनको प्रस्ताव

न्यूयोर्क । अमेरिकाको स्वास्थ्यसँग सम्बन्धी सामग्री निर्माता कम्पनी जोनसन एन्ड जोनसनले आफ्नो टाल्कयुक्त बेबी पाउडर र अन्य उत्पादनले डिम्बाशयको क्यान्सर गराएको आरोपमा दायर भएका करिब ६९ हजार मुद्दा टुङ्ग्याउन ५ अर्ब ५ करोड अमेरिकी डलरसम्म तिर्ने प्रस्ताव गरेको छ । यो प्रस्ताव कम्पनीविरुद्ध वर्षौंदेखि चलिरहेको कानुनी विवाद अन्त्य गर्ने उद्देश्यले ल्याइएको हो । कम्पनीले भने आफ्ना टाल्कयुक्त उत्पादनले क्यान्सर गराएको आरोपलाई निरन्तर अस्वीकार गर्दै आएको छ र बेबी पाउडरको सूत्र पनि परिवर्तन गरिसकेको जनाएको छ ।

कम्पनीका मुद्दा व्यवस्थापनसम्बन्धी उपाध्यक्ष एरिक हासले आरोपहरू आधारहीन रहेको बताए । उनका अनुसार कम्पनीले अदालतमा धेरैजसो मुद्दामा सफलता हासिल गरेको भए पनि लामो कानुनी प्रक्रिया अन्त्य गर्न र आफ्नो मुख्य काममा केन्द्रित हुन यो सम्झौताको प्रस्ताव गरिएको हो ।