नेप्सेको प्रमुख कार्यकारी अधिकृत पदका लागि आवेदन माग

अर्थ मन्त्रालयले नेपाल स्टक एक्सचेन्ज (नेप्से) को प्रमुख कार्यकारी अधिकृत (सीइओ) पदमा खुला प्रतिस्पर्धाबाट पदपूर्ति गर्न आवेदन माग गरेको छ। मन्त्रालयअन्तर्गत गठन भएको छनोट तथा सिफारिस समितिले आज सूचना जारी गर्दै योग्य नेपाली नागरिकबाट दरखास्त आह्वान गरेको हो।

इच्छुक उम्मेदवारले सम्बन्धित विषयमा स्नातकोत्तर वा चार्टर्ड एकाउन्टेन्सी उत्तीर्ण गरी पुँजी बजार वा वित्तीय क्षेत्रमा कम्तीमा सात वर्षको व्यवस्थापकीयसहित १५ वर्षको कार्य अनुभव र ३० वर्ष पूरा भई ६५ वर्ष ननाघेको हुनुपर्नेछ। उम्मेदवारले विज्ञापन प्रकाशित भएको मितिले १५ दिनभित्र (साउन २६ गतेभित्र) अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबारमा आवेदन बुझाउनुपर्नेछ।