२४ जिल्लामा बाढीको जोखिम

काठमाडौँ- देशका मुख्य नदीहरूमा पानीको बहाव सामान्य रहे पनि विभिन्न २४ जिल्लाका साना नदीहरूमा आकस्मिक बाढीको मध्यम जोखिम रहेको छ।

जल तथा मौसम विज्ञान विभाग अन्तर्गतको बाढी पूर्वानुमान महाशाखाका अनुसार आज बिहानको मापनमा कोशी, नारायणी, बागमती, कर्णाली, महाकाली, कन्काई, कमला, बबई, पूर्वी राप्ती र पश्चिम राप्तीसहित तिनका सहायक नदीहरूमा जलसतह सतर्कता तहभन्दा तलै छ।