भारतमा आन्दोलनकारी विद्यार्थीको कानुनी सहायताका लागि कपिल सिब्बलले १ करोड भारु दिने

एजेन्सी । भारतका वरिष्ठ अधिवक्ता कपिल सिब्बलले हालैका आन्दोलनका क्रममा दिल्ली प्रहरीद्वारा पक्राउ परेका प्रदर्शनकारीहरूलाई कानुनी सहायता उपलब्ध गराउन कक्रोच जनता पार्टी (सीजेपी) ले स्थापना गरेको कोषमा १ करोड भारु योगदान गर्ने घोषणा सोमबार गरेका छन् ।

सीजेपीका प्रवक्ता सौरभ दासले केन्द्र सरकारको आश्वासनका बावजुद देशभरका विद्यार्थीहरूका विरुद्ध फौजदारी मुद्दा चलाइने पर्याप्त र विश्वसनीय आशंका रहेको बताएका छन् । उनका अनुसार, प्रहरीले मुद्दा दर्ता गरेका विद्यार्थीहरूलाई कानुनी सहयोग दिलाउन पार्टीले सर्वोच्च अदालतका अधिवक्ताहरूसँग निरन्तर संवाद गरिरहेको छ ।