नामिबियासँग ३ रनले हारेपछि कप्तान रोहित भन्छन्- डट बलले दबाब बढायो, रन-आउटले खेल बिगार्‍यो

आइसिसी विश्वकप लिग-२ मा नेपालको खराब प्रदर्शन जारी छ। नेदरल्यान्ड्समा घरेलु टोली र नामिबियासँगको त्रिकोणात्मक एकदिवसीय सिरिजमा नेपालले लगातार तेस्रो खेलमा पराजय भोगिसकेको छ।

सोमबार भएको खेलमा नेपाललाई नामिबियाले ३ रनले हरायो। खेलमा नेपाललाई जितका लागि अन्तिम बलमा छक्का चाहिएको थियो। तर गुल्सन झाले नामिबियाका इरासमसविरुद्ध एक रन मात्र बनाउन सके।