देवानगञ्ज घटनामा सरकार जिम्मेवार रहेको नेकपाको आरोप

नेपाली कम्युनिस्ट पार्टी (नेकपां) ले सुनसरीको देवानगञ्ज गाउँपालिका ३ , कप्तानगञ्जमा भएको घटनाको सम्पूर्ण जिम्मेवारी सरकारले लिनुपर्ने माग गरेको छ। पार्टीका प्रवक्ता प्रकाश ज्वालाले मंगलबार विज्ञप्ति जारी गर्दै निहत्था नागरिकमाथि गोली चलाइनु गम्भीर मानवअधिकार उल्लङ्घन भएको दाबी गरेका छन्।

विज्ञप्तिमा नागरिकमाथि गोली चलाउनुपर्ने अवस्था नै नरहेको भन्दै सुरक्षाकर्मीले नियम कानुनविपरीत घुँडामाथि गोली प्रहार गरी एक नागरिकको ज्यान लिएको बताइएको छ।