‘नयाँ सिक्काबाट नेपालको चुच्चे नक्सा हट्ने हल्ला गलत, बरु आकाश भैरवको आकृति पनि थप्दै छौँ’

काठमाडौं । सरकारले एक र दुई रुपैयाँका सिक्काको मौजुदा डिजाइन परिवर्तन गर्ने तयारी गरेसँगै सञ्चारमाध्यम र सामाजकि सञ्जालमा विभिन्न दाबी भाइरल भएका छन् । गत असार ३२ गते बसेको मन्त्रिपरिषद् बैठकले नेपाल राष्ट्र बैंकलाई एक र दुई रुपैयाँ दरका नयाँ डिजाइनका सिक्का टकमरी (मिन्टिङ) गर्न स्वीकृति दिने निर्णय गरेको थियो ।

यस निर्णयलगत्तै केही माध्यममा ‘सरकारले नयाँ सिक्काबाट नेपालको चुच्चे नक्सा हटाउन लागेक’ भन्दै सूचनाहरू भाइरल भए । पछिल्ला केही दिनयता सामाजिक सञ्जालमा नयाँ सिक्काको दाबी गर्दै विभिन्न काल्पनिक तस्बिर र भिडिओहरू पोस्ट भइरहेका छन् ।