चिटले काम गर्न नसक्ने गरी प्रश्नपत्र बनाइनु पर्छ

त्रिभुवन विश्वविद्यालयले सञ्चालन गरेको परीक्षामा प्रश्नपत्र लिक हुनु अत्यन्तै दुःखद् घटना हो । वास्तवमा हाम्रो शिक्षा प्रणाली परीक्षा र प्रश्नपत्रमा अडिएको छ ।

हामीले शिक्षा प्रणालीलाई नै सोलोडोलो पढाइ, सिकाइ, विद्यार्थीको अध्ययन प्रक्रियालाई बेवास्ता गरेर परीक्षामा थुपारिदिएका छौँ । परीक्षाले मात्रै विद्यार्थीको सबै कुराको मापन गर्न सकिँदैन । यसले गर्दा प्रश्नपत्र लिकको मार्केट बनिरहेको यथार्थ हो ।