दलित तथा विपन्नका लागि ३६ हजारभन्दा बढी आवास निर्माण

काठमाडौँ । सरकारले सञ्चालन गरेको ‘जनता आवास कार्यक्रम’अन्तर्गत हालसम्म दलित, विपन्न मुसलमान तथा सीमान्तकृत समुदायका लागि ३६ हजारभन्दा बढी सुरक्षित आवास (घर) निर्माण सम्पन्न भएको छ ।

शहरी विकास तथा भवन निर्माण विभागकाअनुसार राष्ट्रिय दलित आयोगको सूचीमा सूचीकृत दलित, विपन्न मुसलमान, लोपोन्मुख तथा अति सीमान्तकृत जाति र समुदायलाई सुरक्षित आवासको व्यवस्था गर्ने उद्देश्यले यो कार्यक्रम सञ्चालन गरिएको हो ।