नामिबियासँग हारेपछि करण केसीले किन लेखे ‘थ्यांक यू’ ?

काठमाडाैं । नेपाली राष्ट्रिय क्रिकेट टोलीका अनुभवी तथा तीव्र गतिका बलर करण केसीले सामाजिक सञ्जालमा व्यक्त गरेको संक्षिप्त सन्देश “थ्यांक यू”ले क्रिकेट समर्थकमाझ विभिन्न अड्कलबाजी सिर्जना गरेको छ।

नेदरल्यान्ड्समा जारी आईसीसी क्रिकेट विश्वकप लिग-२ अन्तर्गत गएराति नामिबियाविरुद्धको खेलमा करणले १० ओभरमा २ मेडनसहित जम्मा २९ रन खर्चेर ५ विकेट लिँदै नामिबियाली ब्याटिङ लाइनअपलाई निकै दबाबमा राखेका थिए। तर, टोलीको कमजोर ब्याटिङका कारण नेपाल पराजित हुन पुग्यो।