कोषाध्यक्ष विश्वकर्माको चेतावनी : सदस्यता नवीकरण नगरे ५० प्रतिशत जरिवाना

काठमाडौं- नेपाल सुनचाँदी रत्न तथा आभूषण महासंघले संघ तथा एसोसिएट सदस्यहरूलाई २०८३ असोज मसान्तभित्र सदस्यता नवीकरण तथा संस्थागत अभिलेख अद्यावधिक गर्न आग्रह गरेको छ ।

महासंघले जारी गरेको सूचनाअनुसार विधानको दफा १०(क) (३) बमोजिम प्रत्येक आर्थिक वर्षभित्र सबै आबद्ध संघ तथा एसोसिएट सदस्यहरूले सदस्यता नवीकरण गर्नुपर्ने व्यवस्था रहेको छ । सोही प्रावधानअनुसार रु. २५,००० नवीकरण शुल्क बुझाएर तोकिएको समयसीमाभित्र सदस्यता नवीकरण गर्न अनुरोध गरेको हो ।